【下個陳奐仁!?】王君馨操到有腹肌:羅馬不是一天建成


untitled-collage-2

男藝人玩健身練大隻已經係一種潮流,而最近呢股熱潮仲影響埋一眾女藝人。日前女藝人王君馨(Grace)喺社交網上傳咗好幾張健身相大曬結實腹肌,Grace睇見自己努力健身有少少成果,都忍唔住留言讚一讚自己有堅持:「羅馬不是一天建成的。」

延伸閱讀:【獨家專訪】王君馨.人妻物語

untitled-collage

從照片可見,Grace除咗操到有腹肌,老鼠仔都有番咁上下,完全見唔到拜拜肉。當佢擺出標準「大隻佬」甫士嘅時候,各位就算摸唔到都應該感受得到Grace嘅肌肉有幾結實,絕對是力的表現。講開有講,王君馨2016年為飾演《城寨英雄》花曼一角曾進行玩命式減肥,佢當時唔單止節食,仲用埋腰封配合,最後條腰減到得番20.5吋,所以話超S身型絕對唔係話有就有,背後要落幾多苦功只有當時人先知。

延伸閱讀:【肥仔潛力股】陳奐仁狂做Gym變爆肌男:我都認唔到自己

untitled-collage-3

除咗王君馨有密密健身之外,視后田蕊妮都有趕上呢個潮流,睇相就知佢而家勁fit,個造型仲有少少似花曼添。最後,各位讀者睇完王君馨嘅相都可能變心心眼,但其實都唔洗太羨慕,學阿Grace話齋羅馬都唔係一天建成,只要願意持之以恒咁操練,總有一日你都可以好似王君馨或者陳奐仁一樣咁fit!

延伸閱讀:【由港姐走到人妻】王君馨的幸福路

延伸閱讀:【獨家專訪】《心理追兇》汪海澄是現實相反的王君韾

延伸閱讀:【實力派】遇上好機會的爆紅藝人

圖片來源:王君馨@Facebook

王君馨花曼城寨英雄健身腹肌gym陳奐仁