【徹底地〈放肆〉】霆鋒搏到盡 成桶白油照頭淋


untitled-collage-8

謝霆鋒(Nicholas)繼〈有火〉後再出新歌,〈放肆〉MV日前正式推出,睇嚟佢早前宣布重返香樂壇絕對唔係得個講字!而今次霆鋒喺MV入面唔單只同性感模特兒有親密鏡頭,佢仲放肆到將成桶白油照頭淋,呢種專業精神真係值得大家敬佩。

延伸閱讀:【活着VIVA續集?】謝霆鋒回歸香港樂壇 新歌〈有火〉講熱血夢想

untitled-collage-6

霆鋒無論拍電影,抑或煮嘢食都有一套獨特想法,而今次〈放肆〉MV故事性都非常強。MV以藍、白、紅、黑四種色調串連,霆鋒需要從中作出選擇或越過考驗。例如藍色是一道充滿壓逼感的困牢,貌似走進一部狹小的電梯,又似一條長長的走廊,愈走愈窄,要拼命掙脫方可走到終點。而紅色則是充滿誘惑的一回,一位打扮性感的女Model在跳著鋼管舞,隨後更蒙起霆鋒雙眼,盡情地去撫摸、色誘他,過程非常火辣。

延伸閱讀:2017叱咤頒獎典禮   霆鋒驚喜現身

untitled-collage-7

至於去到白色一節,霆鋒竟然為咗藝術而犧牲,被成桶白色顏料照頭淋。相信 唔少讀者睇完呢幕都想問句,成頭白油咪有排先洗得乾淨?原來原本嘅設定係將顏料淋去模特兒身上,不過霆鋒為咗加強效果,就主動要求親身上陣。因着這個臨時改動,度位、試準都需要重新調整,並要控制得宜一take過拍攝,結果成為耗時最長的一部分。更值得一提的是,當日更正值寒冷天氣警告,拍攝最後一個鏡頭已去到凌晨3點,而清水灣片場的現場溫度只得攝氏7度,縱使拍攝前已儘量保持顏料帶微溫,但淋下去也是「透心涼」的。可見霆鋒今次為了帶出「放肆」效果,的確是徹底地放任、放縱一次。

untitled-collage-9

延伸閱讀:【一日一經典】那些年反叛過的謝霆鋒

延伸閱讀:【《姐姐好餓》】小S出招 謝霆鋒眼神認愛王菲?

untitled-collage-10

圖片來源:英皇娛樂

影片來源:謝霆鋒 Nicholas Tse@YouTube

放肆有火謝霆鋒chef lemon