【有你有我】Supper Moment 11月開紅館騷 粉絲最想實名購票


untitled-collage-15

Supper Moment 日前宣布紅館騷申請成功,今年十一月同大家喺紅館見!
踏上紅館舞台開演唱會一直係唔少本地歌手、樂隊嘅夢想,對於本地樂隊Supper Moment嚟講都唔例外,而日前Supper Moment 終於宣布佢哋申請成功,話今年十一月同大家喺紅館見!

untitled-collage-17

Supper Moment 主音歌手Sunny對於爭取開紅館騷最不遺餘力

2006年成立的Supper Moment 轉眼出道12年,出道至今推出了不少膾炙人口的作品,當中包括《無盡》、《最後晚餐》、《幸福之歌》、《說再見了吧》等等歌曲。另外,他們近年亦橫掃了多個香港樂壇獎項,例如獲得最喜愛組合獎、叱咤樂壇組合金獎等,可見人氣和實力早已足夠開紅館騷,而他們表示一直有入紙申請,但未得到檔期。而Supper Moment 主音歌手Sunny對於開紅館騷最賣力,近年佢多次喺公開演唱場合都不忘與粉絲一齊集氣希望一圓紅館夢,直至日前他們在社交網官方專頁宣布好消息,粉絲當然Like爆。

untitled-collage-16

如果Supper Moment同五月天可以同台演出,個畫面一定超夢幻

自己喜愛嘅樂隊可以喺紅館開騷唔興奮就假,但下一秒嘅切身問題係:到底買唔買到門票?近年黃牛問題嚴重,本地騷幾乎無一不炒,早前黃子華棟篤笑的黃牛問題更令到政府部門關注,故而提出實名購票制度,以杜絕黃牛問題。而Supper Moment 粉絲諗到購買門票有難度,都紛紛喺帖文留言,希望Supper Moment今次可以考慮使用實名購票制度,或讓香港人優先購票。最後,筆者希望各位樂迷都如願買到門票,一齊同Supper Moment係紅館大嗌:「有你有我!」

 

圖片來源:Supper Moment@Facebook

Supper Moment紅館有你有我haveyouhaveme無盡最後晚餐幸福之歌