【明明相似】李璨琛囡囡同秦煌撞樣 其實係佢個孫?


untitled-collage-20

李璨琛囡囡元元同秦煌都幾似樣,唔通卡比獸今次後繼有人?

本地男藝員李璨琛一向做開型男角色,平時亦會喺Instagram Post相大曬潮物,但自從囡囡元元喺今年3月出世之後,就開始轉型做暖爸。而日前佢竟然發現元元有啲似無綫男藝員秦煌,仲將秦煌個人照拍埋去囡囡側邊,唔少網民睇完都覺得佢哋好似,話卡比獸終於後繼有人,仲講笑話元元其實係秦煌個孫添。

untitled-collage-22

李璨琛同秦煌喺無綫電視劇《怒火街頭》中飾演父子角色

從照片可見,李璨琛囡囡元元同秦煌五觀有七成似樣,特別係元元同秦煌一樣有圓圓的可愛臉蛋,大家都係鼻頭有肉的富貴相貌。至於點解網民話元元係秦煌個孫,就係因為李璨琛同秦煌喺無綫電視劇《怒火街頭》中飾演父子角色,可能二人在劇中的父子情令觀眾印象太過深刻,所以就好自然聯想到呢個「隔代似樣」啦。

untitled-collage-19

(左)李璨琛兒時照片(右)李璨琛囡囡元元

講開又講,李璨琛之前係兒童節都post過自己BB仔嘅相上Instagram,仔細一睇,其實元元同佢細個都好似樣,你地又覺得佢似媽媽定爸爸多啲呢?

 

untitled-collage-21

潮人李璨琛自從囡囡出世後,開始轉型做「暖爸」

【涉醉駕被捕】李璨琛三月做爸爸 張建聲:希望大家給他空間

圖片來源:互聯網、李璨琛@Instagram

元元怒火街頭丁家富卡比獸李璨琛