小S伸長條脷教瘦面 網友嚇餐死


untitled-collage-14

小S親自示範如何快速減雙下巴,有網友話好似睇緊恐怖片,你又會唔會試試呢?

台灣女星小S是性情中人,性格直率又好玩,一擺片上網好多人追捧,日前三更半夜在網上教人減雙下巴,夏天眨吓眼就到,小背心上陣的季節大家對減肥特別有興趣,減雙下巴都是當務之急,小S話呢個瘦臉法是造型師朋友在日本電視上睇到,個個試完都好快見效,佢親自示範呢個瘦臉三步驟,點知個畫面似拍鬼片,伸長條脷,不過恐怖得來其實又幾可愛。

untitled-collage-17

要保持健美身形,點少得做運動呢。

小S示範的方法唔知得唔得,不過網友已經即刻反應「撞鬼囉!」紛紛留言話佢係咪飲醉酒,因為佢平時最鍾意飲酒,經常飲多兩杯亂講嘢,小S睇到網友咁大反應,好認真話自己冇飲醉,留言話﹕「我是誠心想分享這個有趣的方法,而且還真的挺有效的!一直說我醉的人,我們緣份到此!懶得解釋,煩死了!」

untitled-collage-16

小S閒時都鍾意飲番兩杯,今次有冇醉住拍片,相信只有當時人最清楚。

影片來源:徐熙娣@Facebook

徐熙娣小S雙下巴瘦面伸脷