【美麗有價】美人魚林允請人拍「機場時尚」


「美人魚」林允被問起點解次次去機場都咁有型,她坦白說請攝影師操刀。

「美人魚」林允被問起點解次次去機場都咁有型,她坦白說請攝影師操刀。

韓國明星創出「機場時尚」呢個潮流,搞到機場如戰場,個個藝人去到機場都刻意打扮,希望成為潮流指標,但機場冇記者駐守,扮到靚都要搵人影先有價值,「美人魚」林允被粉絲問起點解次次去機場都咁有型;林允好坦白話因為請攝影師操刀,影一次大概千幾蚊人仔,攝影師拍完負責九張照片修圖,如果攝影師夠專業可能唔止呢個價,千零蚊只是公價。


「美人魚」仲話有次去上海,經理人預早請咗攝影師在機場等候,點知繁忙時間一出機場茫茫人海,都唔知攝影師企邊個位,反而有粉絲湧埋來攞簽名兼自拍,攝影師被人迫到出外圍,嗰次影嘅相認真麻麻,不過請得人到場,拍唔到都要俾人工,感覺俾得唔值但都冇辦法。

林允影一次機場相大概千幾蚊人仔,攝影師拍完負責九張照片修圖

林允影一次機場相大概千幾蚊人仔,攝影師拍完負責九張照片修圖

林允話係好難保證次次都咁靚,有時狀態唔好,上鏡太肥肯定要修圖先可以見人;而且唔係次次要搵攝影師,去到偏僻機場,搵助理影埋就算啦!初期賺錢唔多,想慳錢搵助理拎部單反幫佢影,帶四、五套衫去替換,影完入廁所換第二件再影,以前做淘寶模持兒時,一日拍一百套衫都試過,所以幾套衫好小意思,影完自己揀相兼修圖。

林允的「機場時尚」間中頗有真實感

林允的「機場時尚」間中頗有真實感

佢都承認有時自己搞好似唔夠氣氛,話晒業餘水準,有時錢真係唔慳得,林允大方分享「機場時尚」心得,有價有市一目了然,不過呢頭講完,好快俾經理人發現,已經火速刪走呢段微博,雖然微博不留痕跡,但都被人分享了!
不過,李允微博上仲有條自編自拍自導,攝影由助手操刀的小視頻,都唔錯㗎!大家分享一下!

 

圖片來源:林允@微博

影片來源:林允@微博

林允微博

林允微博

美人魚林允機場時尚