【飛虎】最強神槍手黃宗澤 必搶「食雞」隊友


仲未成功「食雞」?因為你缺少一位達到澤囝級數嘅神槍手隊友!

無綫電視劇《飛虎之潛行極戰》即將來到結局周,劇中一幕幕緊張的槍戰場面看得觀眾咬牙切齒,當中槍法神準嘅飛虎隊隊長高家朗(黃宗澤 飾演)更成為網民熱話,事關佢幾乎百發百中,真係一粒子彈都冇嘥!

untitled-collage-8

家朗喺劇中唔單只head Shot殺敵人同恐怖分子掂,連點開槍唔會射死人嘅技巧都掌握得淋漓盡致。例如上星期播出既十九集,做緊臥底嘅家朗為左取得國斌信任,逼不得已下向佢前飛虎上司雷Sir開槍。但其實佢一早預料到會有呢一日出現,所以一早委託師父聶Sir(苗僑偉飾演)將神秘匙扣交給雷Sir,而匙扣裏面寫左將來佢嘅開槍位置同急救方法!最後,當然如佢預言所講,澤囝只係打中雷Sir第二同第三肋骨之間,沒有即時生命危險,放番肺部積血及時急救,終逃離鬼門關。

untitled-collage-10

《飛虎》都要玩臥底元素?

untitled-collage-9

其實警察劇加入臥底元素並不罕見,但飛虎加臥底呢個組合都可能係第一次,無他嘅,臥底元素收得吖嗎。就好似近年嘅《潛行狙擊》、《使徒行者》都係最佳例子,收視一直高企,觀眾顯得非常受落。《潛行狙擊》入面既Laughing哥雖然最後還是死了,但當時既一股熱潮令呢部劇搬上大銀幕,推出左以Laughing哥為主角既電影版《變節》;《使徒行者》令觀眾由頭估到尾,估邊個至喺臥底,當時既熱潮仲令呢套劇橫掃多項最佳電視劇集獎,劇中多名男女主角和配角在本地、海外都獲得多個獎項。

警察臥底劇之所以咁深入民心,係因為戲中臥底既掙扎、壓抑、迷失,當深入敵陣愈耐,愈容易忘記當初既臥底身分,甚至喺未完成任務之前,就已經白白犧牲送命,所以一班觀眾都睇得好肉緊。嚟緊《飛虎之潛行極戰》將會開拍第二輯,期待可以再睇到多啲槍戰刺激場面啦!

 

黃宗澤飛虎之潛行極戰食雞吳卓羲苗僑偉三哥潛行狙擊使徒行者臥底Bosco