【好感動】軒仔個唱Kenny驚喜現身


untitled-collage-14

張敬軒籌備演唱會之初,問過佢會唔會請關智斌(Kenny)做演唱會嘉賓,好想睇佢哋同台演唱,話哂出自軒仔手筆的《笑忘書》同《預言書》都係軒仔和Kenny的代表作,當時軒仔笑說:「我會唱《預言書》嘅,但我嘅事業係唔係離唔開呢個名?我哋又唔係組合,我又唔係Boy’z!」不過軒仔今次真係加入左Boy’z,嚟到噚晚(父親節)軒仔第四場演唱會,真係送上驚喜,當軒仔唱完Kenny的《預言書》,Kenny真係出場啦!

untitled-collage-17

究竟軒仔點介紹Boy’z出場?軒仔話:「剛做新人時我乜都唔識,見到一班新人裏面有啲artist特別巴閉,佢哋公司人材濟濟,出親嚟都好多髮型師好多助手跟住,但相處落發現佢哋都好怕醜內歛,可能因為同期的關係,我哋到現在仍然都係好要好好好要好的好朋友,今晚係我人生中第一次開六場的演唱會,好想佢哋同我分享,佢哋在各自崗位都發光發熱。」Kenny有五個好架!全場尖叫不絕!今晚係Boy’z做嘉賓呀!

untitled-collage-13

話哂軒仔同Kenny呢對緋聞傳足十年的好朋友,好難得同台表演嘛,現場fans真係好興奮,軒仔同Boy’z仲一齊合唱咗《死性不改》,歌迷對Kenny的歡呼聲太勁,Steven呷醋話:「唔使我啦!我走!」軒仔就話:「你個角色好重要。聽講你哋兩個以前為咗我喺髮型屋大打出手!」Kenny話:「你諗多左啦!張生,我哋成日都打架啦!Mani話最緊要唔好打臉。」軒仔說:「Steven噚日仲喺橫店拍緊戲,專程返嚟,恭喜Kenny做業主,黚解你(望住Steven)會肯嚟做嘉賓?」Steven即對住Kenny說:「係啦!點解你肯應承做嘉賓?」

untitled-collage-15
Kenny說:「我嚟報仇嘅!」Steven話:「你報乜嘢仇?隔夜嗰啲?」軒仔說:「排嗰時唔係咁講㗎。」最後大家合唱咗《La La世界》,佢哋四面台走勻,啲fans癲晒!

untitled-collage-16

張敬軒關智斌Kenny演唱會笑忘書預言書StevenLa La世界死性不改boyz