【尾場核爆紅館】軒仔預告Boy’z開show


untitled-collage-31

張敬軒一連六場的演唱會今晚圓滿落幕

張敬軒的尾場演唱會Boy’z以觀眾身份睇騷,軒仔三次在台上提關智斌(Kenny)個名,第一次見到洪卓立同張志恆貪玩舉起粉絲DLLM的燈牌,即刻興師問罪,佢哋即推落Kenny度,軒仔聽到,即話:「關智斌就算啦!」之後唱完《餘震》突然又講:「有一晚請咗關智斌上嚟,我見到神蹟,所有傷殘人士嘅位置,我見到全部企晒起身,我睇返條片,真係要感謝主!」多謝樂手時又話其中一位高大靚仔,側面成個關智斌咁。

untitled-collage-27

Boy’z今晚以觀眾身份睇騷,Steven還穿上演唱會T-shirt力撐「降兩度」呢

軒仔之後提到其實今晚冇請嘉賓,「我入行咁耐未見過紅館核爆,不如今晚再請佢哋嚟。」之後就行近Boy’z的位置,軒仔話:「啲歌迷個個都話要還返Boy’z俾我呀!」請佢兩位上台,仲問佢哋係唔係有頭妝,Kenny話冇,軒仔話:「你冇都唔緊要啦!你天生麗質。」現場fans當然嘈到拆天,軒仔話:「咁好反應,不如你哋都開演唱會啦!」軒仔仲即刻問觀眾席的楊受成,楊生企起身話好!Steven打趣問軒仔:「我好想問你,如何將成碟青瓜過大海?(惡搞《櫻花樹下》)軒仔話:「你問返啲高登仔啦!我第一次邀請Boy’z時,閒談間講起我哋都好後生啫,點解話我哋係集體回憶?點睇都係零零後啦!」唱唱吓《死性不改》,Steven同Kenny又頂嘴,Kenny話:「點解要怕?我鍾意。」Boy’z唱完一首歌就落台,Fans意猶未盡,大叫encore,軒仔話:「紅館encore嗌嘉賓真係第一次見,你哋唔好啦!嗰次傾咗好快有佢哋音樂會㗎啦!」Boy’z我哋等你呀!

untitled-collage-28

各圈中好友亦到場撐軒仔尾場演唱會

untitled-collage-29

張敬軒關智斌餘震boyz