慶功宴「降兩度」再現身 軒仔:女人唔易做


whatsapp-image-2018-06-20-at-1-02-12-pm

張敬軒一連六場的演唱會圓滿結束,軒仔再以「降兩度」的造型現身慶功宴,在場人士嘩聲四起,令到「降姐」深信大家來演唱會為的是看她!

搞完一陣,降姐仲要「標童」軒仔才能現身,軒仔說他開騷前五日,每晚都做到三、四點才瞓覺,他一度擔心自己頂唔到,能夠順利完成,他形容是神蹟。

提到「降兩度」這個角色,令他又愛又恨,他說:「降姐喺『Hinsideout』走出嚟,有多個分身幾好玩,但降兩度真係女人唔易做,好似剃腳毛真係剃咗好耐,成個鐘,仲剃咗兩把刀片,亦生得好快,上台想對腳靚,有光澤,所以穿了絲襪,點知第二晚刮爛,所以唔日日剃都唔得。另一方面,降姐的衫真係以女裝角度來設計,所以有啲地方無留位,搞到有啲位置感覺好似中間劏開一半咁。」
軒仔為了做一個非主流而有意義的演唱會,當中分享了患癌歌迷Toby的故事和一個富宗教色彩且藝術成份較高,以水命名的環節,演出者有二胡師朱芸編、馬頭琴演奏家許福維、大環表現者楊世豪、尺八演奏家千鳥幸生,舞蹈家禢天揚及其四度舞蹈劇場的成員。

「上次演唱會譚玉瑛姐姐嗰part好多人都覺得好heavy,而我今次都盡量唔想搞到成件事太傷感,其實Toby在人生最後的階段仍然在奮鬥,無放棄夢想去做音樂,是很勵志的,而他在病重時,當看到我會即刻成個人精神晒,坐到喺度,亦令到我感受到作為一個歌手存在的意義,我很希望跟歌迷分享;我亦好想大家認識這一羣一直在自己崗位默默耕耘的藝術家,當他們有演出時大家去支持,演唱會的場刊是我用真金白銀自己印的,上面都有他們的資料介紹,我亦想藉此多謝他們為我演出。」

軒仔今次的演唱會一票難求,好多fans都冇機會睇騷,不過他透露八月再有公開演出,大家拭目以待啦!

 

降兩度張敬軒