黃秋生前外遇嫁外籍男 一家五口曝光


bka_thumbnail_templates_a2

 

黃秋生前外遇Joyce已嫁外籍男, 而且已育有一子一女。黃秋生的私生子William 生母Joyce突然爆料,有報道指Joyce是岑建勳的外甥女,秋生因直接入生活費俾阿仔,因而令她爆料,身在英國的阿仔目前住在酒店。秋生回覆本刊說:「其實發生今次件事就係因為佢叫阿仔返嚟香港搞身份證,我決定以後將啲錢直接俾阿仔而起,佢覺得我要將俾阿仔的錢分一半俾佢。阿仔返到去英國後話我知,阿媽話佢幫住我,唔俾佢入屋,趕咗佢走,咁我叫佢住幾日酒店先,他之後去咗朋友度住,阿仔啱啱同我講,話阿媽爆完大鑊後,自己心情好好,叫佢返屋企,我叫阿仔唔好啦!返去執嘢,因為唔知佢幾時心情唔好又趕佢走,反正兩個月後入大學宿舍,我叫佢在外面租屋住兩個月先,我最唔想影響阿仔讀書的心情。」


延伸閱讀:

前外遇現已婚生子 黃秋生:再冇其他私生仔女

黃秋生有私生子 定居英國叫William


問秋生為何不叫阿仔這兩個月先返香港?他說:「佢阿媽為咗身份證叫佢回來兩星期,我唔知為乜,阿仔係英國人,又唔係要返香港讀書做嘢,又唔識廣東話,佢阿媽話有得攞就攞啦!佢唔好叫佢攞綜援?我唔明佢阿媽諗乜啦!阿仔咪順便探親,跟住我去做嘢睇我排戲,坐喺度又冇人同佢傾偈,佢都好悶,就自己去行街,所以唔會叫佢返香港啦!」

untitled-collage-15

William今年九月入讀大學主修生物。

 

秋生提到自己同Joyce已經再無聯絡好耐,呢幾日將佢嘅電話都block咗。「我最怕同佢講嘢,次次都尖叫,好騷擾,又成日攞個仔威脅我,佢結咗婚冇講我知,瞞住我,一直呃我自己一個人好慘,直至佢生個女兒,我同阿仔傾開偈,佢話媽咪入咗醫院生BB,我先知佢結咗婚,好多時佢話阿仔要用錢做乜做乜,根本就唔係,佢老公都有工作,冇理由要我養佢全家啦!而家好啦!真正了結,唔使再煩,以後唔使再講咁多。」

untitled-collage-16

秋生的前外遇是岑建勳的外甥女,但彼此不是透過岑建勳介紹認識。

部分圖片來源:互聯網

黃秋生外遇Joyce私生子William