【陀仔定女】李亞男曲線開估


bka_thumbnail_templates_c

李亞男(Leanne)和老公王祖藍宣布造人成功後,昨日於書展首度露面,皇后出巡,祖藍成間公司的職員都現身護駕,Leanne大住肚都要嚟到人多擠迫的書展宣傳,是因為她想大家知道,她推出的烹飪書《暖男廚房》全數版稅會捐到「感恩免費素食餐廳」作慈善用途,所以點都要親身來簽名,答謝支持的讀者。

untitled-collage-6

見到Leanne皮膚靚咗又白又滑,開始有少少幸福肥,仲已經見肚,肚子圓圓的,問她是否已經有四個多月,她說:「冇咁大!預產期係十二月一月的,BB係made in Broadway的,懷孕頭三個月易攰啲,依家精神好了,無咁易攰,胃口都好好,係口味變咗啲。」今年四月祖藍跟Leanne曾經去過紐約旅行睇騷,BB就喺呢個時間製造成功啦!
咦,Leanne陀得咁靚,又咁快見肚,唔知係咪女呢?「保持神秘,稍後才公布BB 性別,我最想生兩個,一仔一女, 老公覺得仔女都無所謂,最緊要健康。我哋成日講笑話高度和樣貌都不要似他,不要浪費我的基因,高度似我,但似他都是靚仔、靚女,Angela auntie(祖藍扮演過的角色)幾靚女呀!」

untitled-collage-7
問Leanne準備咗改乜嘢名未?「中文名爸爸改,英文名就由我改啦!(有心水未?)好似有angel小天使的意思啦!beautiful,elegance咁啦 !」全部都係形容女仔喎!傻更更的Leanne曲線開估,漏晒口風啦!四大天王變咗四大岳父,祖藍呢個搞笑天王都變埋岳父,認真恭喜!

李亞男暖男廚房王祖藍