【記招變演唱會預演】華仔自爆墮馬回港趣事


untitled-collage-3

萬眾期待的劉德華跨年紅館演唱會《My Love Andy Lau劉德華World Tour-Hong Kong》,將於今年12月15日唱到明年1月3日,一連舉行20場,雖然公開發售時發生排隊斬人事件,華仔事後亦在網上回應,為杜絕排隊黨,更破天荒宣布不設售票處買票。

今日華仔為巡迴演唱會香港站舉行記者會,華仔一出場就話:「大家好!我係華仔,今次演唱會原本可以早一年出現,但一些意外,到今年先同大家見面,可能都係好事,因為過去一年有多啲時間俾自己參與。」記者會搭建成迷你舞台,又有大型熒幕,華仔先解說海報的設計,「poster我有參與,我識寫書法,中文寫得多,英文就未寫過,所以上網搵吓又搵人教吓,結果寫咗『My Love』,又畫咗幾個圖,不過主辦單位用一個好冠冕堂皇嘅理由叫我less is more,最後只揀了字體。」華仔又自爆過去一年做了一張「大碟」,他說:「我喺布拉格製作了一張全新大碟,只得一張。」原來這張「大碟」是他親手畫的餐碟。

untitled-collage-1
記者會又展示過去華仔演唱會的經典造型,例如露背裝、空中飛人和拉丁舞,華仔又不介意騷出一張爆軚相,他說:「好想問一問到底呢張相邊個影?好多人叫我今次記得整鬆啲條褲。」華來又特別向傳媒致謝,更向記者飛吻,「唔好時又寫我好、好時又寫我好,多謝媒體記者朋友,今日你哋隨便問,你敢問我敢答。」有記者提囡囡,華仔馬上就話:「我就係知道你哋會問呢啲,點解搞晒你哋今日嚟,就係叫你哋唔好搞我個囡,我今朝扮Batman,冇人發現我入學校。」

untitled-collage-2
華仔又即場跳了一段《獨自去偷歡》,他笑說:「唔知仲可以跳幾耐?再老啲先坐低唱,但我條腰係得嘅。」之後華仔再唱《如果我有事》,他說:「每次想唱,演唱會人員都唔俾,我知好多人鍾意呢首歌,今次一定加入歌單。」華仔不介意重提墮馬意外,又打趣說:「坐飛機返來被包到一嚿,到停機坪見到有個人跑過來,原來係化妝師,佢俾咗四個口罩我,仲話『一陣一定影你㗎,咁醜樣,自己遮吓啦。』新年喺醫院過,一班護士長入嚟,叫我新年不如洗個頭抹個身,高級啲就幫我洗頭,其他就幫我抹身。」台下一聽到馬上尖叫,華仔又話受傷後看到好多人愛錫自己的人,今日特別向他們「找數」,再唱出《神鵰大俠》。之後熒幕騷出華仔去年撐住拐杖的照片,華仔笑說:「公司收到email,製造商問我趁今次機會長期合作?我啋!」今次華仔的記者會別開生面,發揮搞笑本色。

演唱會劉德華My Love Andy Lau