【勁萌爆笑超Rock】船梨精組Metal樂隊CHARAMEL 9月襲港


32464503_753839798157388_1983395801140822016_n

以船梨精為首的重金屬樂隊CHARAMEL會於9月1 日首次在九展舉行演唱會。

日本近年大人氣的吉祥物除了熊本熊外,仲有同佢好老友的「船梨精」。船梨精同佢一班爆笑又勁萌的Band友組成的樂隊CHARAMEL將於 9月1日襲港,喺九展Rotunda 2開騷,大玩重金屬Heavy Metal搖滾樂,你會估唔到佢地技術高超Rock到爆又癡癡地線地超爆笑,睇過佢哋表演的粉絲都話有意想不到咁正同療癒!

18620393_613026705572032_2926140997654668120_n

CHARAMEL隊員包括(左起)船梨精、惡魔熊、河童君、貓蘋果Star,位位音樂造音深厚。

「擅自」擔當千葉縣船橋市吉祥物的船梨精,佢做主音嘅Metal Band CHARAMEL,成員仲有北海道札幌市的結他手惡魔熊、埼玉縣志木市文化體育振興公社的吉祥物低音結他手河童君、青森縣黒石市的鼓手貓蘋果Star。

惡魔熊結他了得,隨手可彈出美國搖滾班霸Guns N’ Rose的名曲。

河童君、惡魔熊和貓蘋果Star都是具有極為深厚音樂底子的吉祥物,平常出席地方活動時就會現場表演樂器。惡魔熊嘅結他技術厲害,佢平日喺event隨手可彈出美國搖滾班霸Guns N’ Rose的名曲,仲有支黃色有紅色心心的電結他好似模仿X JAPAN已故結他手HIDE支招牌結他。

鼓手貓蘋果Star演奏X JAPAN的名曲《紅》亦甚有睇頭。

鼓手貓蘋果Star原來亦非常崇拜日本Visual Rock樂隊 X JAPAN ,佢經常模仿X JAPAN隊長YOSHIKI打鼓,演奏X JAPAN的名曲《紅》、《Silent Jealousy》等,仲喺YOSHIKI同LUNA SEA鼓手真矢及結他手Inoran面前表演過,令幾位日本搖滾巨星好驚訝兼笑到肚孿。貓蘋果Star喺CHARAMEL的演唱會solo時用鼓棒交叉成 X 形狀的手勢,都係模仿 YOSHIKI,令觀眾都忍唔住會心一笑。

2017-07-27_02h24_50-680x419

《火熱動感La La La》原唱樂隊爆風SLUMP的主音Sun Plaza中野,去年為CHARAMEL作歌兼擔任演唱會表演嘉賓。

唔講唔知,幫CHARAMEL作歌嘅音樂人亦大有來頭,佢係Sun Plaza中野,以前係日本樂隊爆風SLUMP主音,90年代紅極一時的廣東歌《火熱動感La La La》就係由爆風SLUMP原唱。

Sun Plaza中野都全程擔任CHARAMEL去年在日本四大縣市札幌、名古屋、大阪及東京舉行的Livehouse tour的表演嘉賓,這幾個又萌又癲的吉祥物本來面無表情,配上強勁的打鼓、刷弦投入動作、精湛音技,以及船梨精愛扭動身體同飛跳的瘋狂台風同爆笑吐槽,登時帶出突兀爆笑效果,令觀眾忍不住喝采,睇過佢哋表演的粉絲都話有意想不到咁正同療癒!

CHARAMEL今年再接再厲,展開2018年日本全國夏季巡迴演唱會,而且首度衝出日本,以香港作為亞洲第一站演出,到時會場應該會有大批可愛到爆的紀念品發售,而持票觀眾仲可獲贈紀念品!

撰文:張一明

圖片:互聯網

船梨精CHARAMEL惡魔熊河童君貓蘋果StarGuns N' RoseLUNA SEA真矢InoranX JapanYoshiki