【下周訪港】《大佬可以退貨嗎?》型仔影帝Sunny「泰」好笑 片場喪整蠱女神Yaya


brother-of-the-year_behind-the-scenes_02

泰國影帝Sunny在片中飾演衰鬼大佬,經常嚇走細妹的男友。

泰片熱潮越吹越勁,繼去年《出貓特攻隊》創票房奇蹟後,幕後班底精心炮製的新作《大佬可以退貨嗎?》亦即將上映。這部輕喜劇由人氣影帝Sunny、韓國2PM成員Nichkhun與泰國國民女神Yaya主演,三個靚仔靚女叫座力驚人,在泰國當地上映一周即破《出貓特攻隊》的總票房,人氣超勁!

brother-of-the-year_behind-the-scenes_04

兩兄妹十足前世撈亂骨頭,互相看對方不順眼。

男主角Sunny下星期就會女配角Ploymon及導演維達也湯于容訪港同觀眾見面,令到成班Fans鬼死咁期待。行型仔路線的Sunny樣貌才華兼備,曾經憑另一小品《戀愛病發》獲封泰國影帝,今次他在《大佬可以退貨嗎?》與女神Yaya飾演兄妹,不過呢對兄妹十足前世撈亂骨頭,由細到大無論學業成績抑或工作表現,細妹都叻過大佬成街街,自尊深深受創的大佬唯一的反擊方法,就是令細妹嫁唔出,片中Sunny出盡渾身解數嚇走哂細妹的每個男友,見到她識到荀盤Nichkhun就更加開大火力,誓要拆散一對小情人。

screen-shot-2018-06-08-at-4-56-04-pm

screen-shot-2018-06-08-at-4-57-06-pm

Sunny經常在片場整蠱Yaya,激到對方紮紮跳。

戲入面Sunny古靈精怪,但現實中的他亦一樣極有諗頭,被劇組一致同意是飾演「癈」大佬的最佳人選,經常喺片場失經無神整蠱人,與他有最多對手戲的Yaya首當其衝經常「受害」,比如Sunny經常當眾笑佢耳仔細、笑聲超大等等,狠狠打擊對方的女神形象,激到Yaya紮紮跳。嗱,一於等Sunny下周訪港,由他親自再向跟大家分享更多癲喪事!

 

圖片來源:安樂影片

 

出貓特攻隊大佬可以退貨嗎2PMNichkhunSunny影帝女神Yaya訪港戀愛病發