【火速拍第二季】Netflix爆笑節目 見識真正地獄廚房


screen-shot-2018-06-09-at-10-15-47-pm

節目中的作品全達災難級,好笑程度爆燈。

nailed_it_hosts-0

評判Nicole Byer(左)與名廚Jacques Torres(右)表現生鬼,非常有觀眾緣。

新一輯《美女廚房》口碑平平,被觀眾投訴主持無默契,煮餸過程又毫無睇頭,一句記之曰,就係唔夠上兩輯好笑!那邊廂,冋樣以「地獄廚神」作招倈的Netflix節目《妙廚大烤驗》就突圍而出,憑主持的爆笑口才和一眾參賽者災難級廚藝,成功吸引大班觀眾支持,更被譽為最好笑的飲食節目,半年內火速開拍第二季,誓要你笑到碌地!

【美劇推介】最好笑煮食節目《Nailed It》 地獄廚神「搞掂」

《妙廚大烤驗》成功的原因之一是主持夠生鬼好笑!節目由諧星 Nicole Byer主持,甜品界名廚Jacques Torres做主評判,加上每集再邀來不同的甜品達人做客席評判,三位一齊評定參賽者的「烘培傑作」。Nicole Byer聲大大表情多多,仲有把非常入腦的魔性笑聲,一出場已經帶起節目氣氛,所以好有觀眾緣。她早前受訪就自言最鍾意「騎呢嘢」,所以好適合做這個節目的評判咁話。至於來自法國的Jacques就怕怕羞羞,但一見到參賽者的驚嚇作品就忍唔住笑,有網民話,剩係睇佢忍笑個樣都已經好開心。

screen-shot-2018-06-09-at-10-08-44-pm

好多網民踴躍上載災難級傑作參與二季的初選。

screen-shot-2018-06-09-at-10-09-42-pmscreen-shot-2018-06-09-at-10-10-08-pm

評判表現精彩,但參賽者都唔弱。節目每集都搵三位對自己煮藝好有信心的人參賽,雖然佢哋煮到一鑊泡,但依然對成品好自豪,堅持自己好有才華,呢份莫名自信令觀眾睇到笑唔停。早前籌備第二季,節目組破格地在社交網站找人參賽,他們公開了一份食譜,叫大家跟住食譜整一塊曲奇並畫上自畫像,連同自拍照上載到社交網站,之後再從中揀選有潛質的參賽者。外國網民就好踴躍,爭相上載自己的驚嚇傑作,好多都近乎「毀容級」,好笑程度爆燈。如今第二季已經拍完,將於本月尾(6月29日)於Netflix播映,想笑餐飽的話,千萬不要錯過!

 

圖片來源:網上圖片

烹飪節目Nailed It妙廚大烤驗Netflix地獄廚神名廚美女廚房