【玩嘢英雄】蟻俠愛鬥大


Marvel Studios' ANT-MAN AND THE WASP..Ant-Man/Scott Lang in his Giant-Man form (Paul Rudd)..Photo: Film Frame..©Marvel Studios 2018

a11
在「Marvel」電影宇宙裏,最鍾意玩嘢的,肯定是保羅路德(Paul Rudd)飾演的蟻俠。三年前首集《蟻俠》裏,他得到超能力,可以隨意變大變小,搞到一班對手無晒符,像上集混戰中他突然變小,並利用Thomas玩具火車作為終極武器一幕,就夠晒出人意表兼爆笑。在即將上映的《蟻俠2:黃蜂女現身》裏,他當然繼續發揮抵死本色,用盡奇招對付敵人,不過似乎今集他不再一味變小,轉為玩鬥大,甚至與Dr Bill Foster鬥嘴都語帶相關玩鬥大。以下精選幾個「大場面」,睇吓又會唔會俾佢「大」到?

a2
今集新英雄「黃蜂女」同樣有變大變小的能力,她的裝備甚至比蟻俠更勝一籌,備有雙翼,相反無翼的蟻俠只能繼續「搭乘」飛蟻代步。有份編劇的保羅路德笑言,為了不失氣勢,決定在一幕高速公路追車場面,將自己變巨人,用「滑浪式」的滑稽姿態趴在一架卡車上面,就算追唔到車,都足夠嚇窒對手。

a3
這幕大概不是人人接受得到,甚至有人會覺得這隻巨型螞蟻比恐龍更恐怖。記得在上一集,蟻俠的其中一隻螞蟻戰友意外被放大,好多人估這隻螞蟻在蟻俠屋企住了下來,仲成為他女兒Cassie最疼愛的寵物。更重要是,不少人認為這隻螞蟻腳上「疑似」綁着警方的禁足儀器,很有可能代替被軟禁的蟻俠,讓他脫離警方視線秘密甩身。

a4
蟻俠同Dr Bill Foster鬥嘴時自爆自己最「大」可以去到65呎,相信呢幕就係傳說中的巨人儀俠,佢變大時仲抵死狂笑,搞到海面波濤洶湧,雖然自己就玩得好興奮,不過船上的人就一啲都笑唔出,仲全部嚇到臉青,場面超級惹笑。想笑餐飽的你,記得要入場睇蟻俠點樣喪玩鬥大喇!

圖片來源: Marvel Studios、互聯網

蟻俠Paul Rudd保羅路德蟻俠2:黃蜂女現身黃蜂女Marvel超級英雄英雄Dr Bill Foster