【追劇的那些年】台劇女主角 邊位最GF-able?


台灣偶像劇盛行時期比韓劇仲要早,當年嘅少男少女放學放假最鍾意留喺屋企煲劇,呢班台劇女主角實在係伴隨著一班情荳初開嘅九十後成長。以下呢四位經典台劇女主角你一定認得,依家既你有得揀既話,最想邊個角色做你女朋友呢?

心地善良林依晨

untitled-collage-20

林依晨雖然外貌唔算好靚,但演戲卻有一種魅力,《愛情合約》中首次擔當女主角時,仲包辦埋片尾曲。但真正令她紅起來,係同鄭元暢合演嘅《惡作劇之吻》,湘琴同直樹嘅故事無人不知。《惡作劇之吻》入面,袁湘琴係一個單純開朗、心地善良嘅高中女學生,有顆純潔少女心,個性憨厚直接、樂觀有耐性,但頭腦唔好,對家事一竅不通、笨手笨腳,但總會努力不懈咁朝目標前進。

untitled-collage-21

 

笑容甜美楊丞琳
untitled-collage-18

楊丞琳初出道時樣子青澀,第一部劇集係2001年《流星花園》中擔當女配角,但之後演出多部電視劇女主角後大熱,仲成為眾人心中嘅「可愛教主」。《惡魔在身邊》裡面,齊悅係大學二年級學生,處事低調,唔會特別去惹人注意,但因為性格平易近人,結交咗唔少朋友,但從未真正談過戀愛。《海派甜心》入面,陳寶茱係廣播電台人氣DJ甜心小姐,雖然笑容同聲音甜美,長髮隨風飄逸,眼睛大到似漫畫女主角,但骨子裡係個不折不扣嘅野丫頭,個性非常男孩子氣,活潑而有正義感、有自己原則,而且識柔道!因為成日路見不平出手,所以外人覺得佢難相處,但其實佢內心好渴望得到關愛。

untitled-collage-19

純樸美的陳喬恩

untitled-collage-16

陳喬恩化淡妝有一種純樸美,22歲出道就馬上參與首部偶像劇《薰衣草》,但最為人所知嘅劇,一定係大獲好評嘅《王子變青蛙》同《命中註定我愛你》演一段灰姑娘遇上王子嘅故事,風靡港、台兩地。陳喬恩飾演《王子變青蛙》葉天瑜個性活潑、樂觀開朗,腦筋動得快,聰明伶俐,但由於從小受追債佬常上門追數嘅影響,為錢能夠睜大眼講大話,夢想係搵個金主過有錢生活。而《命中注定我愛你》嘅陳欣怡生長喺一般勞工家庭,連名字都係全國最普通既「欣怡」,於法律事務所處理雜務,性格溫和樸素、願望很小、欠缺主見、好似便利貼咁,功能雖小、唔起眼,但生活中卻唔可以缺少。

untitled-collage-17

爽朗性格Ella

untitled-collage-15

 

S.H.E Ella無論演戲定唱歌都一樣出色,出道不久就演出第一部劇集《愛情大魔咒》,但當中最經典角色一定係《薔薇之戀》嘅鄭百合同《花樣少年少女》男仔頭嘅盧瑞莃。《薔薇之戀》裡面,鄭百合長相平凡,身材微胖,加上唔識打扮,對自己嘅外表有著強烈自卑感,但個性溫和善良,單純無心機,真誠待人,所以容易令身邊嘅人不知不覺中喜歡上她。《花樣少年少女》裡面,盧瑞莃係個樂天活潑、運動萬能、純真率直嘅少女,但頭髮剪短後打扮成一個男生,感情表達好直接,經常笑、怒、睡、吃,行動比思考先行,發生任何事都唔輕易挫敗。

untitled-collage-14

圖片來源:互聯網

影片來源:互聯網

 

林依晨楊丞琳陳喬恩Ella陳嘉樺惡作劇之吻我可能不會愛你惡魔在身邊海派甜心王子變青蛙命中注定我愛你薔薇之戀花樣少年少女S.H.E.