馮德倫執導Netflix武打新劇 雲集各路靚仔靚女打到癲


wu-assa

吳彥祖主演、馮德倫監製兼執導的《荒原》第三季劇照

吳彥祖主演、馮德倫監製兼執導的《荒原》第三季劇照

馮德倫(Stephen)同吳彥祖(Daniel)近年主攻美劇界,一個攻幕後,一個做幕前,好似他們合作的武打劇《荒原》(Into the Badlands)拍到第三季依然備受好評,仲儲落一批喜愛武打的劇迷支持。日前,Netflix就宣布同Stephen合作新劇《Wu Assassins》,由佢出任監製同執導頭兩集,實行食住個武打熱,繼續俘虜劇迷!

wu

Iko Uwais

Iko Uwais被譽新一代Tony Jaa

Katheryn Winnick靚女得嚟仲識跆拳道

Katheryn Winnick靚女得嚟仲識跆拳道

早前有傳《荒原》第三季雖然仍受到不少好評,不過收視稍現下滑,令第四季的開拍計劃存在暗湧。不過,好在Daniel早已劇集同電影兩邊走,拍劇以外,亦參演過不少荷李活大片如《魔獸爭霸戰》、《人造天劫》同《盜墓者羅拉》等等,不愁沒演出機會。而Stephen就如前文提及,已經搵到好路數,同Netflix合作新劇《Wu Assassins》,此劇是一部融合異能元素的武打劇,由《突擊死亡塔》(The Raid Redemption)的印度武打巨星Iko Uwais,及《維京傳奇》(Vikings)女星Katheryn Winnick主演。Iko Uwais近年在荷李活極速冒起,他主演的《突擊死亡塔》在歐美大受好評,突破印尼片在國際影壇的成績,至於Katheryn Winnick就同Maggie Q合作過《尼基塔》(Nikita),個樣靚得嚟又幾有型,仲識跆拳道。而Stephen亦安排曾喺《荒原》合作的男星Lewis Tan參演,唔知將來有無機會都安排Daniel客串一下呢?

Lewis Tan靚仔又大隻,應該有助吸納女觀眾

Lewis Tan靚仔又大隻,應該有助吸納女觀眾

劇集故事以三藩市唐人街為背景,講述Iko Uwais飾演的廚師被捲入一場源於遠古的正邪大戰,佢會挖掘一個古老謎團,並捉拿有異能的刺客,Lewis Tan則飾演殘忍聰明的犯罪集團大佬,至於Katheryn Winnick飾演的卧底警察,亦巧合地被捲入這場幫派戰爭。劇集預計在8月初開鏡,第一季故事共10集。

圖片來源:網上圖片

荒原馮德倫吳彥祖人造天劫盗墓者羅拉Wu AssassinsNetflixKatheryn WinnickIko UwaisLewis Tan武打