【入行四十年】影帝丹素華盛頓首次拍續集 即爆冷贏票房冠軍


bez-litosci-main_f675b2d496

金像影帝丹素華盛頓(Denzel Washington)繼2014年的《叛諜裁判》(The Equalizer),再次在續集飾演暴力判官。電影日前於北美率先開畫,對比同期一大批合家歡電影,含大量暴力的《叛諜裁判2》(The Equalizer 2)原本被睇低一線,但最後竟爆冷以3582萬美元(約2.79億港元)勇奪美國首周末票房冠軍。唔講唔知,今次仲係丹素華盛頓入行以嚟,首次接拍續集,第一次就有咁好成績,證明佢眼光獨到!
ccc2

《叛諜裁判》改編自美國經典同名犯罪劇集,丹素華盛頓飾演美國前突擊隊成員麥戈,對犯罪集團恨之入骨,用暴力制裁罪犯,上集佢單人匹馬殺入重圍,一手瓦解賣淫集團,手起刀落痛快淋漓。《判諜裁判2》由上集導演安東尼奎克(Antoine Fuqua)繼續操刀,講述麥戈原本打算隱姓埋名,做兼職司機過平凡生活,誰知好友忽然死於非命,鄰居亦受牽連,他誓要揪出幕後主使的兇手,為無辜的犠牲者報仇,麥戈秉持一貫以暴制暴的作風,為對付更龐大的犯罪組織,不惜大開殺戒。

equalizer-dir

《叛諜裁判2》繼續由導演安東尼奎克操刀執導

雖然上集電影全球大收1.92億美元(約14億港元)票房,不過續集撞正暑假檔期一眾合家歡電影,《判諜裁判2》原本被睇低一線,結果出乎意料,電影輕取票房冠軍,大有可能破埋首集的票房紀錄。難怪丹素華盛頓入行41年嚟,第一次首肯拍電影續集,相信佢一早睇好《判諜裁判2》的故事發展,今次的票房都證明佢好有眼光!唔知,《判諜裁判2》9月13日喺香港上映之時,可否延續氣勢,再次贏得開畫冠軍?

圖片來源:互聯網

丹素華盛頓Denzel WashingtonThe EqualizerThe Equalizer 2金像影帝安東尼奎克Antoine Fuqua