【超爆笑復仇】被名嘴笑新戲小兒科 靚佬湯捉佢玩跳傘


靚佬湯捉咗名嘴James Corden體驗新戲的跳傘場面

靚佬湯捉咗名嘴James Corden體驗新戲的跳傘場面

相信睇咗《職業特工隊:叛逆之謎》的觀眾,都會覺得湯告魯斯真係好鬼癲!年屆56歲的靚佬湯在片中攀岩、飄移飛車、爬直昇機、跳樓、高空軍事跳傘、喪打,全部危險動作一鏡直落,做動作同時仲可以演戲,真係令人佩服到五體投地。點知《The Late Late Show with James Corden》的美國名嘴James Corden就好「沙塵」咁話,靚佬湯在片中跳傘一幕屬小兒科,引來靚佬湯決定親自帶Corden跳一次,雖然有靚佬湯同教練陪住,但Corden喺過程中驚到腳震爆粗,仲有幾次想逃走,表現超爆笑!

先介紹少少Corden說的那幕「高空軍事跳傘」,平時係由軍事人員執行,他們會由二萬五千英尺高空跳下,並在海拔低於二千英尺的地方打開降傘,整組動作難度極高,不過靚佬湯秉承一貫的博命態度,為了這一幕主動接受長時間訓練,一日跳五次,總共跳了超過一百次的演習。

《職業特工隊6》真.玩命 靚佬湯高空游繩爬直升機

screen-shot-2018-07-27-at-8-02-35-pm

Corden想逃走

screen-shot-2018-07-27-at-8-03-07-pm

即刻被體能fit的靚佬湯捉住

今次同Corden跳傘,靚佬湯體貼地減低難度,計劃由一萬五千英尺高空跳落去,但這個高度已經嚇到Corden想縮沙,猛話前幾日已經狂發訊息畀靚佬湯,扮自己食物中毒想取消跳傘,點知搞錯電話,發錯訊息給一樣叫Tom的「邪神洛基」湯希丹斯頓喎。臨開始前Corden有幾次想逃走,都被體能fit到爆的靚佬湯捉返嚟,幾經「糾纏」,Corden接受了一點基礎訓練,然後二人就齊齊上機。

做訓練時Corden仲識開玩笑

做訓練時Corden仲識開玩笑

一上飛機已經開始後悔

一上飛機已經後悔

仲打俾老婆安排身後事,點知老婆聽到如果有事,靚佬湯應承會照顧她,即刻話好,激死Corden

仲打俾老婆安排身後事,點知老婆聽到如果有事,靚佬湯應承會照顧她,即刻話好,激死Corden

剛上機時,Corden還可以跟靚佬湯唱《職業特工隊》主題曲,又開玩笑打俾老婆交代身後事,但當飛機再上升,Corden已經嚇到不敢亂動,又索性閉眼在機上,Corden嚇到不敢亂動,又索性閉眼,不過拖延了一陣子,他終於在教練陪同下「被跳」出去!而表現從容的靚佬湯就自己一個跳落去,全程笑笑口好鬼輕鬆,除了找Corden擊掌,更貪玩做了幾下花式動作,勁到咁,點夠佢玩?

Corden嚇到爆粗,相反靚佬湯一面輕鬆

Corden嚇到爆粗,相反靚佬湯一面輕鬆

靚佬湯仲玩埋花式動作,服未?

靚佬湯仲玩埋花式動作,服未?

安全落地後立即興奮攬埋一舊慶祝

安全落地後立即興奮攬埋一舊慶祝

影片來源:The Late Late Show with James Corden

靚佬湯湯告魯斯James Corden職業特工隊:叛逆之謎名嘴