【碧咸扁嘴】突破爸爸防線 哈七剪短髮做迷你版維多利亞


0harper-victoria

「萬人迷」碧咸(David Beckham)一向是好爸爸,對四個仔女錫到燶,尤其對於七歲么女哈七(Harper Seven)特別着緊。之前碧咸就講過,由哈七出生至今,一直都沒有剪過她的頭髮,因為他覺得女孩子留長髮最靚,連老婆維多利亞開口話想幫哈七剪,碧咸都唔肯。點知!維多利亞剛剛上載的新相揭露,哈七成功突破爸爸防線,剪咗個短髮,望落成個迷你版維多利亞咁,好可愛!

0-4

哈七愈大愈有主見,據知上月剛滿七歲的她同爸爸親口要求想剪短頭髮,愛女心切的碧咸只好尊重女兒意願,親手幫愛女剪頭髮,事後他更上載花絮照,見到哈七笑到見牙唔見眼,最後她得償所願把及腰長髮剪至及肩,不過碧咸就扁晒嘴,場面非常搞笑。想不到,剪髮後兩星期,哈七突然再把頭髮剪短至耳垂位置,十足十媽媽維多利亞幾年前的經典Bob頭,維多利亞仲好自豪馬上分享愛女的新髮型,吸引不少網民留言大讚靚。可能見網上反應激烈,維多利亞不久後再分享哈七與碧咸的合照,今次碧咸冇再扁嘴,似乎已經接受了愛女的短髮!

0-1

圖片來源:互聯網

碧咸哈七維多利亞