【齊爭大獎】Taylor Swift約勁敵行山 Ed Sheeran喘哂氣


edtaylor-920x584

年度音樂盛事American Music Awards(美國音樂大獎)最近公布本年度的入圍名單,樂壇小天后Taylor Swift與人氣高企的Ed Sheeran同時在多個獎項界別獲提名,二人更一同競逐年度歌手及年度大碟等大獎。但私底下的Taylor與Ed其實相當老友,近日Taylor就約埋呢位「勁敵」一齊行山,仲討論賽果,點知Ed竟然行到喘哂氣,被女方笑佢失威!

Taylor見到Ed行得咁辛苦都忍唔住笑問佢到底有無做過帶氣運動

Taylor見到Ed行得咁辛苦都忍唔住笑問佢到底有無做過帶氣運動

Ed要行到去平路先可以回氣講嘢!

Ed要行到去平路先可以回氣講嘢!

今日Taylor於社交網站上載了一條短片,見到她與Ed及數位友人一齊行山。片段一開始,Taylor就問跟在後方的Ed有無事,但Ed已經無氣力回應,更比了一個粗口手勢,令Taylor暗笑。後來二人行到較平的地段,Ed開始回氣,講起他們二人一同被提名美國音樂大獎,佢哋好有默契地同時開口指對方一定贏,後來就改口話有份提名的加拿大男歌手Drake會贏,好鬼禮讓。點知傾完無耐,二人又再行上斜坡,Ed再次行到喘哂氣,有少少喘氣的Taylor就講笑問佢到底有無做過帶氣運動?但平時唱歌好夠氣的Ed已經喘到講不出聲。有唔少網民就笑年僅27歲的Ed體能弱,但亦好羡慕佢同Taylor的友情可以咁好。相信無論到時邊個攞獎,佢哋一定會替對方感到高與。

圖片、影片來源:taylorswift@instagram、互聯網

 

 

Taylor SwiftEd Sheeran