【肥仔潛力股】陳奐仁狂做Gym變爆肌男:我都認唔到自己


untitled-collage-2

現年42歲的陳奐仁(Hanjin)向來都以招牌笑容和可愛肥仔形象示人,但自去年11月開始便開始瘋狂做Gym,日前仲上傳咗段片去社交網同大家開心分享佢嘅操練成果,仲留言話:「連我都認唔到自己。」唔少網民睇完都同佢本人反應一樣:「我認唔到佢!」

 

從片段可見,陳奐仁半裸的上身明顯比以前瘦咗成個碼,玩戰繩時亦表現得勁道十足,每一下都係力的表現,而從前的拜拜肉都變成肌肉,胸肌、麒麟臂、馬甲線樣樣有齊。同佢出道身形相比簡直係脫胎換骨,判若兩人,如果遮住Hanjin個樣真係好難認到係佢本人嚟。

延伸閱讀:【有志者事竟成】黃又南地獄式操肌 瘦仔驚變Hugh Jackman

untitled-collage

 

網民睇見陳奐仁身形有如此巨變都紛紛表示:「每一位肥仔都係潛力股!」「陳奐仁變陳永仁,仲有咩係冇可能!?」今次真係世上真係冇難事,只怕有心「仁」喇!最後,唔知陳奐仁係咪為咗要去老友欣宜4月演唱會做特別嘉賓騷肌,所以特別落力去做Gym呢?

延伸閱讀:【獨家專訪】欣宜學習呼吸釋放幸福 享受與陳奐仁傾心事


untitled-collage-1

圖片來源:陳奐仁@Facebook

影片來源:陳奐仁@Facebook

陳奐仁欣宜陳永仁戰繩爆肌gymhanjin