【原唱與翻唱】假音王古巨基 翻唱學友金曲〈每天愛你多一些〉


「而每過一天每一天這醉者,便愛你多些再多些至滿瀉~」一睇到呢段歌詞,唔少人都會諗起90年代香港樂壇嘅光輝歲月。而假音王古巨基早前上無綫重牌節目《流行經典50年》就翻唱咗歌神張學友呢首金曲之中的金曲─〈每天愛你多一些〉,網民聽完都話回憶番晒嚟。

古巨基喺節目入面一連串唱咗好幾首四大天王代表作,但選擇擺〈每天愛你多一些〉打頭陣,就代表住佢對唱呢首歌非常有信心。呢首歌唔太需要運用基仔高超嘅假音技巧演繹,但就顯得基仔喺高音位表現相當扎實,令人感到驚喜。其實除咗基仔翻唱過〈每天愛你多一些〉,唔少人都知好多港台歌手有翻唱過呢首學友代表作,當中包括金句王黎明、林俊傑、林奕匡、周杰倫、G.e.m、蕭敬騰等等,但大部分人就未必知呢首歌原曲叫〈真夏的果實〉,原唱為日本樂隊南方之星

〈每天愛你多一些〉原曲為南方之星〈真夏的果實〉


張學友版〈每天愛你多一些〉

張學友版本的〈每天愛你多一些〉在1991年推出,由林振強填詞,杜自持編曲,收錄於個人專輯《情不禁》內。呢首歌曾經高踞香港電台「十大中文金曲排行榜」長達三十三周,其後更重新填詞推出普通話版本,收錄於《吻別》專輯內。


國語版〈每天愛你多一些〉

對於00後等新生代讀者可能唔太清楚張學友同四大天王當年有幾紅,但十居其九都有聽過〈每天愛你多一些〉嘅旋律,聽完基仔翻唱甚至會問係咪阿G.e.m唱過嗰首歌呀?簡單啲嚟講,當年嘅四大天王就好似而家全球後生仔女都追嘅韓星咁,亦可以話喺有過之而無不及。如果係嗰個年代唔知四大天王係邊四位,就實係住喺山洞入面,不問世事嘅原始人。


G.e.m版〈每天愛你多一些〉
〈每天愛你多一些〉

作詞:林振強

作曲:桑田佳佑

無求甚麼 無尋甚麼
突破天地 但求夜深
奔波以後 能望見
你可否知道麼
平凡亦可 平淡亦可
自有天地 但求日出
清早到後 能望見
那已經很好過
當身邊的一切如風 是你讓我找到根蒂
不願離開 只願留低 情是永不枯萎
而每過一天 每一天 這醉者
便愛你多些 再多些 至滿瀉
我發覺我最愛與你編寫
哦噢 以後明天的深夜
而每過一天 每一天 這醉者
便愛你多些 再多些 至滿瀉
我最愛你與我這生一起
哦噢 哪懼明天風高路斜

圖片來源:互聯網

影片來源:JJHongKongFansClub、universalmusichk @YouTube,寶麗金,my TV SUPER(www.mytvsuper.com)

每天愛你多一些古巨基張學友JJ林俊傑robynnkendy原唱與翻唱