【千里尋親成功】黃秋生與親阿哥相認 :不覺得陌生


untitled-collage

黃秋生56年來首次與兩位同父異母哥哥見面

影帝黃秋生多年來甚少談論私人生活,而他的成長背景甚至是一個謎,大抵只能從他的外觀、言語間得知他是一位在香港成長混血兒。早前秋生接受外國媒體訪問時,罕有地大談自己的身世和成長背景,並希望透過訪問和照片找到自己的親生爸爸。而這個尋親故事終於有下文,原來秋生有兩位喺澳洲成長嘅同父異母哥哥,至於他們的爸爸則早已回歸天家。

untitled-collage-2

大忙人秋生喺百忙之中都去機場接場,真係誠意十足。

兩位哥哥意外睇到媒體報道後,一眼就認出秋生黑白照相中人是他們的親生爸爸。經過媒體協助後,兩兄弟決定搭飛機嚟香港同秋生相認。秋生知道消息後覺得非常興奮,仲親自去到機場接機:「好開心,點會發生喺我身上?知道消息嗰刻好似被雷劈,唔知有咩反應好。我見到佢哋唔覺得陌生,感覺好熟悉。通過佢哋我知道咗好多我爸爸嘅嘢,亦知道點解我會有啲特別行為。呢件事令我覺得自己改變了,好像被喚醒了,發覺世上還有事物令我感到開心。」而兩位哥哥則表示好開心可以見到秋生呢位親弟弟,好似完咗一個人生遺憾一樣。

untitled-collage-3

幾張黑白照成為這次千里尋親的關鍵

睇完秋生呢個長達五十多年的尋親故事,唔通仲唔信萬物冥冥中自有主宰咩?所以話做人最緊要對未來抱有希望,只要一日活着,一日就有希望。


untitled-collage-4

 

untitled-collage-1

呢三兄弟睇落真係幾似,難怪可以一見如故

 

圖片來源:BBC

黃秋生尋親