【VR驅魔人】陳國邦 羅敏莊首次幕前做夫妻 激動到潑水?


untitled-collage-25

出名多串星嘅ViuTV劇集《VR驅魔人》現正熱播中,最近幾集見到唔少以往喺大台出現嘅熟悉面孔,而嚟緊下一個單元《港爸港媽》陳國邦(Power)同羅敏莊(Mimi)就會正式出場,今次仲係兩位首次喺幕前以夫妻身分示人,喺劇照入面仲見到羅敏莊激動到拎起桶水潑向老公,到底因咩事咁激動呢?

延伸閱讀:葛民輝性感登場!?《VR驅魔人》卡士超強

untitled-collage

陳國邦同羅敏莊呢對夫妻喺香港娛樂圈入面出名恩愛,就算結婚多年都仲會叫對方做「BB」。佢哋兩位因拍攝無綫劇集《雲海玉弓緣》認識,拍拖一個月就開始同居生活,2009年即拉埋天窗,去年更加上埋無綫節目《1+1的幸福》曬恩愛。雖然兩位都係演員,工作上有唔少合作機會,但一直冇試過一齊演夫妻角色。

untitled-collage-1 陳國邦與TVB滿約後回復自由身,跟住就開始接拍ViuTV 同奇妙電視劇集同宣傳節目,而呢個舉動令TVB高層不滿,令已試造型嘅《包青天》同本身排好期嘅《公公出埠》都被飛起。一直默默支持佢嘅羅敏莊都忍唔住喺社交網發文安撫另一半心情:「衹可無奈……他的命途總是崎嶇……」,然後一見有陳國邦嘅節目都幫手Share推Post。可想而知,Mimi今次出面幫ViuTV拍劇都係為咗撐老公陳國邦,至於點解要撥水,好大機會都係劇情需要啦,唔通呢位好老婆會忍心睇到Power呢個落魄樣咩?

《VR驅魔人》單元六 《港爸港媽》 

untitled-collage-28

兩年前,年僅八歲的Jackson於房間一躍而下,了結短暫的生命。Jackson之死令其父母Jack哥Jack嫂大受打撃,本來恩愛的二人變得生疏。職業為喃嘸師傅的Jack哥無法走出陰霾,每次打齋心都不禁隱隱痛。 一直對Jackson寵愛有加的他,不相信Jackson會狠心就此撇下家人,認為當中一定別有內情,學校及其他同學肯定要負上責任。因此,Jack哥找來VR驅魔人幫忙,讓他見一見兒子問個究竟,誓要討回公道。

untitled-collage-26

延伸閱讀:【岑傲明視評】《VR驅魔人》謎之才子歸來

圖片來源:ViuTV、羅敏莊@Facebook

影片授權:ViuTV

VR驅魔人陳國邦羅敏莊夫妻港爸港媽
上一篇 下一篇