【係初戀啊!】新一代女神蘇皓兒 長髮Look激似玉女掌門人


初戀嘅味道酸中帶甜,就好似檸檬茶一樣,嚐過第一口便教人欲擺不能,十年過後也會回甘。

日前某知名檸檬茶品牌推出懷舊風格廣告片,今年同上年嘅做法大同小異,都係搵歌手翻唱經典廣告歌,再加黃黃地嘅畫面色調扮八十年代初。但筆者覺得今次最亮眼嘅地方唔係拍番一模一樣嘅構圖,或搵到本地樂隊Dear Jane翻唱蘇永康首〈Sol #4〉,而係搵到一位令人有初戀感覺嘅女主角蘇皓兒(Chloe ),細心一睇,呢個長髮look仲有啲似玉女掌門人周慧敏添!

延伸閱讀:【向經典致敬】李拾壹陳蕾重新演繹《如果陽光》

untitled-collage-5

新一代陽光女主角Chloe青春無敵,今年只係得24歲,曾當過模特兒,2008年參加《Yes!》舉辦的全港校花校草選舉比賽後開始為人所認識。其後她與太陽娛樂文化合作,於2015年成為女子音樂組合As One的成員,正式出道。睇一睇佢嘅Instagram,張張相都少女味十足,難怪今次會搵佢拍呢個充滿「初戀味」嘅廣告。

untitled-collage-7

 

片段入面嘅長髮造型真係所向無敵,相信每位少男睇完都好難唔動心,再望多兩眼,其實佢側面有九成似凍齡嘅周慧敏。不過呢,Chloe已經剪走咗呢一把烏黑長髮,所以佢自己都話呢條片已經成為佢嘅「長髮遺作」喇。

untitled-collage-3

延伸閱讀:【懷舊變成潮流】歷代陽光男神女神你最印象深刻係邊個?

延伸閱讀:【獨家專訪】王宗堯不為五斗米折腰 自認拍拖「渣斗」

圖片來源:互聯網,蘇皓兒@Instagram

影片來源:陽光 Yeung Gwong@Facebook

蘇皓兒陽光檸檬茶chloeas oneDear JaneSol #4蘇永康玉女掌門人周慧敏初戀