【大俠有火】「搖滾大俠奏」海報遭惡搞 大嬸判大細怒食住上


1412

Joey、Paul、豹哥、夏韶聲同Jun組成HK BAND,準備舉行「搖滾大俠奏」演唱會,大家覺得張海報是有型定搞笑呢?

30727966_2168635463161795_2243739019064115200_n

網民將何超儀、林憶蓮、盧凱彤、何韻詩同盧巧音變做「搖滾大嬸」,令人噴飯!

30723945_10213027972348663_8178331929488971773_n

後生版「搖滾大細怒」有野佬嘅小胡、Kolor嘅Sammy、Supper Moment嘅Sunny、ToNick嘅恆仔同Dear Jane嘅Tim,都非常爆笑。


鄧建明(Joey)、黃貫中(Paul)、「豹哥」單立文(Pal)、夏韶聲同恭碩良(Jun)幾位香港樂壇rock友最近組成HK BAND,準備6月7日同8日喺紅磡體育館舉行「搖滾大俠奏」演唱會,張宣傳海報早兩日一出街即大受網民議論紛紛,昨日仲遭惡搞,先後出現由五位香港女歌手拼成都大玩食字嘅「 搖滾大嬸判」同由5個新一代band友砌成嘅「搖滾大細怒」,網民睇見都話笑到肚攣。

5位HK Band「搖滾大俠」主要來自80、90年代嘅香港代表樂隊,Joey係太極成員、Paul以前係Beyond結他手、豹哥以前係Blue Jeans嘅低音結他手、Jun以前係「汗」嘅鼓手,夏韶聲係當中大前輩,70年代尾已入行,以前更加入過日本樂隊Creation,位位係有實力,佢地大合奏開騷食埋字變「大俠奏」係有新鮮感同睇頭。

不過,網民對「搖滾大俠奏」同張海報嘅設計都有唔同反應,有樂迷真心覺得「大俠奏」好襯幾位rock友,亦有網民覺得搞笑,於是拿來惡搞,噚日搞出構圖一樣嘅虛擬演唱會海報「 搖滾大嬸判」,換上係藝名何超嘅何超儀、林憶蓮、盧凱彤、何韻詩同盧巧音,相中盧凱彤仲好似托起支Bass嘅豹哥咁托住支電結他,poster亦將原本句「BAND壇至尊,震動紅館!」變成「用實力與熱情,打救BAND界!」,非常爆笑。不過有網民話「男就係大俠,女就變大嬸,有啲性別歧視之嫌」,其實都係玩食字,將「大審判」變「大嬸判」,大家唔駛咁認真。

除咗「 搖滾大嬸判」外,噚日亦出現惡搞「搖滾大俠奏」嘅後生版「搖滾大細怒」,玩食字亦玩得好爆笑。海報出現新一代香港唔同band成員組成嘅HK BAND J(Junior), 有樂隊野佬嘅小胡、Kolor嘅Sammy、Supper Moment嘅Sunny、ToNick嘅恆仔同Dear Jane嘅Tim,宣傳口號就變咗「BAND壇大細路,ROCK出大直路!」,相當勵志!

撰文:安東尼奧

圖片來源:互聯網

 

 

 

 

 

搖滾大俠奏惡搞JoeyPaul豹哥夏韶聲JunHK BAND何超儀林憶蓮盧凱彤何韻詩盧巧音野佬KolorSupper MomentDear Jane鄧建明黃貫中恭碩良搖滾大嬸判搖滾大細怒tonick