【女英雄浪接浪】《蟻俠2》黃蜂女現身 仲好打過主角?



復仇者聯盟3:無限之戰》開畫一周票房衝破八千六百萬,唔少觀眾睇完呢套十年巨作都好想即刻睇續集,第四集當然未有得睇,但嚟緊就有《死侍2》(5月16日)同《蟻俠2》(6月28日)緊接上映。而Marvel Studio 亦於日前發布最新《蟻俠2:黃蜂女現身》電影預告片,短短兩分鐘嘅片段已經窺看到黃蜂女到底有幾勁,今次仲擺明車馬搶男主角風頭。而家超級女英雄愈來愈多,黃蜂女仲係驚奇隊長(Captain Marvel)出場前拎大旗造勢,唔知黑寡婦之後會唔會開拍獨立電影,又或者嚟個女英雄掘起系列呢?

漫威集老中青影后 力抗神奇女俠

【冇超能力都掂】《死侍2》捧紅素人Peter

untitled-collage-1

講番男主角蟻俠,佢係第一集電影已經施展神乎奇技,一時變大,一時變細,呢種能力拋離叮噹支放大縮小電筒好幾個身位。但《蟻俠2:黃蜂女現身》預告片一出,就知新角色黃蜂女能力比佢勁好幾倍,連蟻俠都講:「她似乎仲勁!」先唔講黃蜂女同蟻俠一樣有變大縮小能力,仲新增武器激光槍,淨係有對翼識飛已經甚有睇頭(終於唔洗好似蟻俠咁騎其他識飛昆蟲先可以埋敵人身喇)。

untitled-collage

至於《蟻俠2:黃蜂女現身》電影主線應離不開講黃蜂女身世,同埋點聯手對抗敵人。另外,今次續集仲會出現反派女角色Ghost,角色能力就如幽靈般識穿牆,要捉住佢真身都唔慌易得去邊,睇嚟蟻俠同黃蜂女今次有排煩啦。

untitled-collage-2

《死侍2》女星撰文悼替身

圖片來源:互聯網

影片來源:Marvel Studios Hong Kong@YouTube

蟻俠黃蜂女超級英雄女英雄antman黑寡婦驚奇隊長Captain Marvel復仇者聯盟3