【娛樂獨白】《美女廚房》新不如舊?


untitled-collage-1

第三輯《美女廚房》出咗街成個星期,網民幾乎一面倒不看好。無他嘅,首兩輯由鄭中基方力申梁漢文主持嘅《美女廚房》實在太精彩,笑料一集接一隻,鑊鑊新鮮鑊鑊金,要超越佢真係難度不淺。

untitled-collage-2

珠玉在前,有比較有傷害。舊版《美女廚房》三位主持代表性極高,網民難免將佢哋同《美女廚房》金漆招牌畫上等號絕對理解,而當節目冇咗鄭中基、方力申同梁漢文,短期內收視大減絕對是人之常情。情況就如同睇《超級無敵獎門人》見唔到志偉哥,去麥當勞冇得嗌薯條食一樣,結果都係令人覺得難以接受,部分人甚至寧願選擇不看不吃。

untitled-collage-8


延伸閱讀:

【媽呀好慘呀】主持都頂唔順 《美女廚房》崩潰特輯


同樣道理,要觀眾短時間內接受蕭正楠阿Bob張振朗取代舊主持是說不過去。正如各位貓/狗奴都清楚要主子食新糧,一定急不來,必須循序漸進,慢慢加減新舊糧比例,主子才會食得開心又稱心。untitled-collage-5

untitled-collage-3

不過呢,新版《美女廚房》暫時只係播咗一集出街,要落定論「處決」新版本實在太不近人情。睇番新版第一集,其實劇集團隊都好用心想為觀眾帶嚟新鮮感,例如引入2011年《變身男女Chok Chok Chok》節目的競猜元素,將烹飪環節改為只聽其聲不見其樣,讓台下嘉賓玩互動,估吓廚房板背後的女人到底係邊位。至於最大的進步是技術上的提升,新版本的試食片段全用高清大頭拍攝,主持同嘉賓試食嘅表情接近表露無遺,睇見農夫C君食「冥鏹蝦球」,真係隔住個熒幕都感受到有幾「好食」。

untitled-collage

untitled-collage-7
最後,沒有天才一開始便成功的,新版《美女廚房》其實同新生代一樣,同樣需要各位觀眾給予機會成長。另外,筆者建議節目可邀請三位舊主持做客席嘉賓,讓新舊主持互相學習交流,將《美女廚房》薪火相傳下去。

untitled-collage-9

部分圖片來源:myTV SUPER
(www.mytvsuper.com)

美女廚房鄭中基方力申梁漢文蕭正楠阿Bob張振朗