林子超「毒」出位 娜姐髮釵插太醫學徒手


5 《宮心計2深宮計》愈播愈熱,做皇后的胡定欣愈來愈奸,同娜姐周秀娜大鬥法,近幾集,有個好歹毒的角色出場,連網民都人肉搜尋,話呢個人樣子斯文,但個樣做到又奸又陰險兼神經質,加上佢嘅氣場同埋童顏,真係令人毛骨悚然!

6

呢個奸險人物,就係由林子超飾演太醫袁文傑個學徒,這個星期講到定欣為了陷害娜姐同馬國明有染,叫林子超扮「宮女」在浴室大叫有刺客!

2
不過,「毒行」陸續有,林子超反轉豬肚,不單止落毒殺恩師袁文傑,仲做埋胡定欣嘅走狗,而最新一場戲,就係娜姐教訓林子超,用髮釵插佢隻手,林子超做嘅痛苦表情真係幾逼真!

1
其實林子超係演藝學院跳舞系畢業,曾經在Now做過主持,不過做了五年後,就自己向外闖,除了教小朋友跳舞,還拍吓網劇,直至一七年,才加入無綫,而《宮心計2深宮計》是他第一齣拍的電視劇,他說:「第一次拍劇,就遇上定欣同娜姐,她們一個是視后,一個是提名香港金像獎最佳女主角,我覺得自己好幸運,而且自己一直喜歡拍戲,現在可以做到,真係夢想成真。」林子超仲叫大家留意,因為日後好多陰險劇情,「定欣同娜姐的戲,真係唇槍舌劍,眼神好到位㗎!」

4

部分影片來源:my TVSUPER

(www.mytvsuper.com)

部分圖片來源:my TVSUPER

(www.mytvsuper.com)

林子超宮心計深宮計胡定欣周秀娜馬國明陳茗風
上一篇 下一篇